إصطبحنا و إصطبح الملك لله , و سعوا يا جماعة كده شوية عايزين نرش قدام المدونة ربنا يجعله صباح نادى علينا و يكون استفتاحنا فل على وشكم ان شاء الله اصل انا المدونة دى كاتباها علشانكم انتم اه امال ايه
اولا احب أعرفكم بنفسى أنا بنوتة مصرية صعيدية يعنى من الاخر بنت جدعة و صاحبة صاحبى قوى , انا عندى 21 سنة يعنى ماسكة العصاية من النص لا انا مراهقة و لا انا عديت سن اليأس زى ما بيقولوا , حياتى كلها عبارة عن أهلى و أصحابى أحيا بهم و لهم عايشة حياة مش هاقول هادية و مستقرة لانه بالنسبة لى يعد من الجنون الحياة المستقرة , ليه لانه مافيش حد بيعيش للناس و مع الناس و تكون حياته مستقرة .
المهم انا لسه مش عارفة المدونة دى انا عملاها ليه بس هاحاول اعرف , انا كنت قلت انى عملاها ليكم اه , صح يبقى انا هاحاول ان شاء الله انى اناقش المواضيع اللى تهمك و فى نفس الوقت هتكلم عن نفسى برضه و اتكلم فى اللى يهمنى و لا هوه الواحد لا هيعرف يقول اللى هوه عايزه فى الحياة و لا حتى هنا معاكم آه امال ايه
ان شاء الله انا معاكم بس ادونى كام يوم كده ادور على حاجات أكتبهالكم و اظبطها و ارجع لكم من تانى .
يلا سلااااااااااااااام مؤقت
