غبت عليكم بس من تانى جيت

معلش يا جماعة غبت عنكم كتير يمكن اكتر من شهر بس كان عندى ظروف و الله هيا اللى منعتنى عنكم سافرت البلد الصعيد لمن لا يعرف

فى ناس هتتريق و تقول مصيف حد يصيف فى الصعيد بس و الله لا مصيف و لا حاجة ده إحنا حتى سافرنا فجاءة لوفاة جدتى رحمها الله , و لسه يادوب راجعة من يومين و الله شهر بحالة هناك و ما ادراكم بحزن الصعيد و مأتمه لانها كمان مش وفاة جدتى فقط لكن كمان زوج عمتى و بعدها صديقة بنت عمى , بجد السنة دى كانت غريبة مش عارفة كمية وفيات و مواليد فى شهر واحد كبيرة جدا سواء كان قريب او غريب سبحان الله فعلا سبحان الله ।

المهم اتأخرت عنكم كتير فى ناس سألت عليا و ناس معبرتش فيا عموما شكرا للجميع , بس ان شاء الله لى عودة قوية مع مجموعة صور من البلد انما ايه اخدتهم فى لحظة خباثة ان شاء الله يعجبوكم و يكونوا على مستوى جيد يعنى حاجة على ادى كده واللى فوق دى واحدة منهم اخدتها من القطار فى طريق العودة يعنى عينة من الشغل